Гиннесийн номонд бүртгэсэн сүүлчийн амжилтууд

Хамгийн том цүнх
Дэлхийн хамгийн том цүнхийг Испанийн, Мадрид хотын IFEMA экспод олны сонирхлыг татах гэсэн үүднээс байрлуулжээ. Цүнхний өндөр 4.3, өргөн нь 3.2 метр аж.

Зохион бүтээгч Иварро Алмейда "Миний бүтээл гиннесийн амжилт эвдэнэ гэж төсөөлж байгаагүй. Нэг найз маань уг номын шинжээчдийг авчирсан байсныг би саяхан мэдсэн" гэжээ.

Эмэгтэйчүүдээс хамгийн өндөр настайдаа марафонд оролцсон хүн
АНУ-ын иргэн Гладюс Буррил хэмээх хөгшин 92 нас 19 хоногтойдоо Хавайн аралд зохиогдсон марафонд оролцжээ.

Ингэснээр тэрбээр эмэгтэйчүүдийн марафонд хамгийн өндөр насандаа оролцсон хэмээн гиннесийн амжилт тогтоосон байна. Г.Буррил уралдааны замыг 9.53.16 цаг туулсан нь дээрх амжилт тогтооход нөлөөлжээ.

Хамгийн урт ёо-ёо тоглоом
Бидний мэдэх ёо-ёо тоглоомын утас нь дунджаар 1-1.5 метр байдаг. Харин АНУ-ын иргэн Отис Мюллер 10.7 метр урттай утастай ёо-ёо тоглоом бүтээжээ.

Тэрбээр ийм урт утсыг ашиглан Уилконсин дахь гүүрэн дээрээ тоглож үзүүлсэн байна. Харш тэр гиннесийн амжилт тогтоох гэж найман жил зарцуулсан гэнэ.

Хамгийн олон таваг угаажээ
Энэтхэгийн Ченнай мужийн аялал жуулчлалын компанийн 1500 ажилчин таван цагийн хугацаанд далайн эргийн дагуу 15 мянга 295 таваг угаажээ. Тэд угаасан тавагнуудаа дараалан байрлуулсан нь 3.2 км урттай болгосон байна.

Урьд нь Индонезичууд мөн хугацаанд 10 мянга 488 таваг угааж байжээ.

Тавцант дугуйчдын хамгийн өргөн парад
АНУ-ын Мичиганы их сургуулийн хэсэг оюутнууд энэ сарын 10-нд тавцант дугуйны хамгийн өргөн парад зохион байгуулжээ. Тус үйл ажиллагаанд 350 гаруй тавцант дугуйчин оролцсон байна. Энэ нь уг төрлийн техникийн хувьд урьд нь байгаагүй олон хүнийг хамруулж чадсанаараа гиннесийн номонд бичигдсэн юм.

Хамгийн олон хүн оролцсон кучипуди бүжиг
Энэтхэгийн Прадеш мужийн Андра хотын төв цэнгэлдэхэд кучипуди бүжгийн олон улсын наадам болжээ.

Энэ үеэр орон нутгийн баг 2850 хүнтэйгээр уг бүжгийг хийсэн байна. Ингэснээр хамгийн олон хүн кучипуди бүжгийг бүжиглэсэн хэмээн гиннест тэмдэглэгджээ.

Энэ нь манго бүжгийн амжилтаас даруй 200 хүнээр бага юм.